عيادة بنيناها لأنفسنا.

تجربتي مع العيادة كانت فوق الممتازة الحمدلله من البداية للنهاية. بدأت معهم قبل سنة و٨ شهور تقريباً، ما حبيت اعلق إلا بعد الانتهاء من العلاج والتجربه. من اول موعد بعد الكشفية والإشاعة تم عمل خطة علاجية واضحة، واجتمعوا الدكاترة معي وشرحوا كل مرحلة قبل نبدأ، وهذا الشيء خلاني مرتاح وواثق. بدأت بالتقويم مع الدكتور محمد بامشموس، كان متابع حالتي من أول يوم، وكل موعد مراجعة يشرح لي كل شيء، وما كان مستعجل أبدًا، كان همه تطلع النتيجة بأفضل شكل. والحمد لله النتيجة كانت ممتازة وفعلًا فرقت معي كثير. وبعدها كملت مع دكتور جميل عارف، وأمانة شغله يبيض الوجه. يهتم بأدق التفاصيل، وما يرضى بأي شيء إلا إذا كان مقتنع بالنتيجة. حتى اختيار اللون جلس معي وساعدني فيه، وكان حريص إن الابتسامة تطلع طبيعية وتناسب وجهي. والحمد لله النتيجة طلعت أفضل من اللي كنت متوقع، وكانت تستاهل كل الصبر. ودكتور عبادة أسطه شغله احترافي، وكان يشرح لي كل خطوة قبل يسويها لان الموضوع فيه عصب وهذا الشيء عطاني راحة كبيرة. ودكتور جهاد عارف حبيب ومتعاون وما أنسى طاقم التمريض، كانوا متعاونين وبشوشين في كل زيارة، وتعاملهم مريح. واخيراً أشكر موظفين الاستقبال على تعاملهم الراقي وتعاونهم في المواعيد خلال الفتره كامله. ومن الأشياء اللي عجبتني إني كنت أدخل على موعدي بدون أي تأخير تقريبًا، والعيادة دائمًا مرتبة ونظيفة. الله يعطيهم العافية جميعًا، وأنصح فيهم بكل ثقة. 👏

من افضل العيادات بجدة اهم شي كلها سعوديين كفاءة مستوى الخدمة المقدمة ممتازة بالنسبة للسعر و ما يعتبر مرتفع مثل ما يقولون فقط الخدمات الكبيرة مثل التقويم و غيره مرتفعة اما الطبيب العام أسعاره مثل الي برا و الخدمة افضل الف مره ( مره مرنيين ع الرغم من سقوط الحشوة مرتين * سنين مختلفين* إلا انه ما حاسبوني ع تجديدها و هي اصلاً عمرها قصير مو معقوله بيسووها بدون مقابل كل مره ) بس يشكرون ع شغلهم الله يعطيهم العافية جميعاً دكتوري كان حاتم الخطة الطبيه كامله كانت بدايتاً من دكتور جميل عارف و باذن لله اسوي عنده بيوم من الايام انصح جداً بزيارتهم استشارة فقط و بعدها بدون ما تحسون بتكملون معاهم بيفرق معاكم الخدمة عن غيرهم

من أفضل عيادات الأسنان التي زرتها. التعامل راقٍ جدًا، والاهتمام بالمريض واضح من لحظة الدخول. كانت تجربتي مريحة والنتيجة ممتازة مع د. أحمد أبو زنادة. شكرًا لجميع العاملين في العيادة على احترافيتهم واهتمامهم.

تجربة رائعة جدا ومميزة مع الدكتور حاتم قمة في الإخلاص والأدب والإحسان فالعمل كانت رحلة علاجي طويلة معاه يعني تقييمي هذا كتبته بكل صدق بعد انتهاء اخر موعد اليوم من اول لحظة دخول للعيادة والاستقبال تحس بالراحة والاهتمام والأسعار معقولة مقابل الخدمة والنظافة وحسن الاستقبال عيادتي للأبد ان شاءالله ⭐️⭐️⭐️⭐️⭐️